سمعت قبل كده عن نظرية (20%- 80%)، او نظرية Pareto Principle أو Pareto Rule ؟
النظرية دي باختصار تعريفها :
roughly 80% of consequences come from 20% of causes
يعني:
ظاهرة تنص على أن ما يقرب من 80٪ من النتائج تأتي من 20٪ من الأسباب.
البداية:
تم تطوير مبدأ باريتو من قبل الاقتصادي الإيطالي فيلفريدو باريتو في عام 1896. لاحظ باريتو أن 80٪ من الأراضي في إيطاليا مملوكة لـ 20٪ فقط من السكان. كما شهد أن هذا يحدث مع النباتات في حديقته - 20٪ من نباتاته كانت تؤتي ثمارها بنسبة 80٪.
بعد كده جاء المهندس و المستشار الإداري الأمريكي Joseph Juran و أعاد دراسة المبدأ ده و تطبيقه في مجالات اكتر و خصوصا في إدارة الجودة عام 1941.
الفكرة الأساسية :
مفهوم 20/80 هو انه يعرفك ان مفيش علاقة متوازنة بين المدخلات و المخرجات (Inputs & Outputs) و بما أنه تم ملاحظة ان 20% فقط من المدخلات هي اللي بتعطي 80% من المخرجات فده يساعد علي تحقيق توازن و تنظيم الموارد و توزيعها بشكل افضل.
اي كان نوع الموارد ايه سواء هي مجهود او فلوس او عمال او حتي ممتلكات شخصية. فعلشان كده مبدأ باريتو ممكن تطبيقه في العمل او في الحياة الشخصية او العلاقات او تنظيم الوقت.
تنويه :
مبدأ باريتو هو ملاحظة أكتر منها مبدأ و بالرغم من انه ثابت و معروف و لكن لا يمكن تطبيقه في كل المجالات.
التطبيق:
لو في مجال البينزنس هاتلاقي ان:
- 20% من العملاء هما اللي بيغطوا 80% من الأرباح.
- 20% من مندوبي المبيعات هي اللي حققت 80% من المبيعات.
- 20% من المنتجات هي اللي حققت 80% من نسبة المبيعات.
- 20% من الأيدي العاملة هي اللي بتحقق أعلي انتاجية.
في مجال الديجيتال مراكيتينج:
- 20% من المحتوي هو اللي بيعمل 80% من التفاعل.
- 20% من المتابعين هما اللي بيعملوا 80% من التفاعل.
- 20% من الإعلانات المدفوعة هي اللي بتعمل 80% من التحويلات.
- 20% من صفحات الموقع هي اللي بتعمل 80% من نسبة المشاهدة و الضغط.
كل البيانات دي تم تأكيدها من ملاحظات النتائج في شركات كبيرة و عالمية، و كمثال:
شركة مايكروسوفت لاحظت انها بعد إصلاح 20% من الBugs المنتشرة وجدوا ان 80% من المشكلات اختفت.
و من أغرب التطبيقات اللي تم استنتاجها ان في اللغة الانجليزية 20% فقط من الكلمات بتستخدم 80% في اغلب المحادثات و تم التأكد من ده من خلال موقع Wikipedia.
مش بس كده، ده معظم الشركات وجدت ان 80% من مبيعاتها بتيجي من 20% فقط من اكتر المنتجات شهرة عندها، و 20% من الموظفين المميزين هم الأكثر تأثيراً في الشركة.
ازاي تستفيد من نظرية باريتو؟
زي ما وضحنا ان السبب هو انك تعرف ان 20% من المدخلات بتكون سبب في 80% من المخرجات، يبقي لازم تعرف انت عملت ال20% دي في ايه و تبدأ تشتغل عليه تنميه علشان ماتضعيش وقتك في ال80% اللي بتستهلك طاقتك.
اشتغل اقل (و لكن بخطة و ذكاء) علشان تجيب نتائج أكثر ، ده هايساعدك انك تنظم وقتك في الشغل ، و ازاي من ساعتين شغل بتركيز كبير احسن من 8 ساعات بتركيز اقل.
الفكرة كلها انك تحدد في ال20% اللي ساعدتك تحقق اكبر نتيجة (80%) و تركز عليها و مش معني كده انك تعمل الباقي، و لكن هايكون تركيزك اقل شوية عن ال20% المهمة اللي محتاجها.
إرسال تعليق