MetaHub Egypt: يعني ايه Visual Merchandising

 

يعني ايه Visual Merchandising، و إيه أهميته؟

1- يعني ايه : 

اول حاجة التعريف، تعريف الVisual Merchandising او (VM) هو علم و فن عرض المنتج بشكل جذاب للعميل، بحيث يكون لغة التواصل بين البائع و العميل. 

Visual Merchandising is the art and science of presenting products in the most visually appealing way.

2- ليه مهم: 

أهمية الVM بجانب طبعا انه جزء من الـ Brand Image، هو انه بيحفز بشدة الـ Impulse Buying، او بمعني اصح انه يشجع العميل للشراء بشكل غير مخطط، يعني العميل او "الزبون" يكون معدي من قدامك يشوف منتجك يقرر يشتري بدون سابق تخطيط لعملية لاشراء دي.

Impulse Buying is an unplanned decision by a consumer to buy a product or service, made just before a purchase.

احصائيات كتير بتؤكد ان اكثر من 50% من المشتريات بتكون غير مخطط ليها و بيتم اتخاذ قرار الشرا في المتجر نفسه. 

3- المزيج التسويقي او الـMarketing Mix: 

احنا هانتكلم عن المزيج التسويقي بشكل مفصل في موضوع لوحده بس خلينا نشرحه باختصار ، المزيج التسويقي او الـMarketing Mix بيتكون من 7 عناصر او 7Ps "هما كانوا 4 و بعد كده بقوا 7" هما:

(السعر - المكان - المنتج - الدعاية - الناس - العمليات - الدليل المادي)

Product, Price, Promotion, Place, People, Process, and Physical evidence

الـ VM بيندرج تحت الـ Place و لكن طبعا بيظهر فيه باقي عناصر المنتج زي سعره و شكله يكون مناسب و ملفت و جذاب للعميل و جزء من الـ Brand Image ، و كمان انه وسيلة ممتازة للتروج و بيساعد الـ Promotions انها تحقق الهدف منها.

4- التخطيط للـ VM

اول حاجة بتكون من خلال اختيار مكان المتجر نفسه "Store Location" و الـ Layout او الالتصميم، هاتلاقي بعض الماركات العالمية ليها تصميم واحد و شكل معين في محلاتها زي مثلا Zara او H&M h او هايبر ماركت زي Carrefour .
التصميمات بتختلف حسب نوع المنتج و تصنيفه و الفئة المستهدفة كمان و بيتم الاختيار بناءا علي التصميم اللي يناسب الـ Brand.

5- الـ Plano Gram:

ده يعتبر من أهم ادوات الـVM و هو رسم تخطيطي بيوضح طريقة عرض المنتجات في الفرع او في المتجر للحفاظ علي صورة ثابته للبراند و التركيز علي زيدة المبيعات للمنتجات اللي انت عاوز تبيعها و كل المخططات دي بيتم إدراجها في VM manual.

6- يشمل الـ VM الاهتمام بكل حواس المستهلك داخل الـ Store

(الرؤية - السمع - حاسة الشم - اللمس)

- الرؤية Vision: دي اللي فيها بنهتم بالتصميم و الألوان و لكل لون تأثير نفسي Color Psychology و لازم نتأكد من تناسق الالوان مع الـ Brand Identity و أيضا الاضاءة بتفرق كتير في الوانها و في شدتها كمان.

- السمع Hearing يعني لازم تهتم بإيه نوعية الموسيقي اللي بتستخدمها في المتجر و ده أثبتت تأثيرها سواء بالإيجاب او السلب عند الاستخدام الخاطئ لها.

- حاسة الشم Smell عنصر مُهمَل جدا رغم انه مهم جدا لان ريحه المكان او نوع المعطر المستخدم بيأثر بشكل إيجابي او سلبي ، و ده لان الرئحة تختلف حسب نوع التأثير المراد تحفيزه عند العميل.

- اللمس Touch: لازم تتأكد ان معظم المنتجات في متناول العميل علشان يعرف ملمسها حتي لو هي مش ملابس، اثاث او اجهزة محمولة او كمبيوتر او تليفونات او اي شيء علشان يقدر يجربها قدر المستطاع و تقدر تحفز عنده عمليه الشراء.

جدول يوضح تأثير العطور علي النفسية في المتاجر

جدول يوضح تأثير الألوان علي النفسية في المتاجر

7- عنصر مهم لازم يكون متواجد في الـ VM و هو الـ Fixtures  او التركيبات او الاستاندات او الـ Props  زي المانيكان في الملابس مثلا، signage او اللافتات التوضيحية و الاهتمام بالواجهة الرئيسية زي الفاترينة او شكل العرض علي الاستاندات و الاهتمام بالمظهر الجمالي Aesthetics و المواد المستخدمة في الحوائط و الأرضيات، و ده لتحديد خط سير العمل من اول دخول العميل للمتجر بتاعك لغاية لما يشتري، و طبعا اهمية انك تحافظ علي نقاط ساخنة اساسية تلفت انتابع العميل و مستوي الأرفف لازم يكون في مستوي معقول للعميل و سهل الوصول إليه. 

8- تجربة مميزة او Shopping Experience كل اللي فات ده ده هدفه انك تحفز عملية الشراء و تحقق تجربة تسويق مميزة للعميل علي اد ما تقدر و تحقق الـ Customer Satisfaction "رضاء العميل" و محاولة تحقيق اسعاده Customer Delighting  سواء اذا كان منفذ بيع او تقديم خدمة .

9- علشان توصل لأفضل نتيجة في الـ VM لازم يكون مرتبط بشكل أساسي بالبراندينج Branding  و سلوك المستهلك Customer Behavior  علشان تقدر تحقق اقصي استفادة منه. 

10 - و اخيرا في شركات كتير نجحت انها تستغل الVm  افضل استغلا علشان تحفز الImpulse Buying و تحسين التجربة الشرائية للعميل. شركات زي IKEA, CVS Pharmacy . 

و زي ما قولنا في اول الموضوع ان ده فن و علم في نفس الوقت، لازم تعرف اساسياته كويس و تدرسها و تبدأ منها ، و يظل فيه جزء فني و ابداعي بيختلف فيه من شخص لآخر في ترجمه اساسياته.

المميز بقي كمان انك تقدر تستخدم في Online Shop و تغير في Online Visual Merchandising، الميزة انك تقدر تغير بسهولة و تجرب علشان توصل لنتيجة مميزة تساعدك في تعظيم ارباحك.