أوقات كتير بيكون عندك عميل بيبيع ماركات او براند معينه و كل لما تيجي تعملها إعلان يترفض و أحيانا الحساب الإعلاني بيتم إيقافه و ده لعدة أسباب :
- ان انت مفيش عندك تصريح من البراند الأصلي بعمل الإعلان ده
- ممكن تكون ماركة مقلدة "مضروبة يعني" و طبعا ده ضد سياسات Facebook و معظم الـ Platforms التانية
- انت عملت محتوي بيضر او يسيء للعلامة التجارية دي
في المقال ده هانعرف يعني ايه Branded Content و ازاي تقدر تستخدمه و تموله كمان علي Facebook و علي معظم الـ Platforms
يعني إيه Branded Content؟!
Facebook في تعريفه بالمحتوي ذو العلامة التجارية او الـ Branded Content عرفه بأنه:
هو المحتوى المرتبط بعلامة تجارية و تم انشاءه و نشره لتعزيز قيمه هذه العلامة التجارية في ذهن الجمهور ،و التي تكون من خلال الدفع النقدي او الهدايا المجانية.
يعني ايه؟!
يعني مثلا لو انت شخص مؤثر "Influencer" و في شركة ملابس او عطور عاوزة تحسن الصورة الذهنية ليها او تزود مبيعاتها او تنشر منتج جديد للناس تجربه، ممكن تبعتلك كمؤثر او كاتب محتوي كوبونات خصم او هدايا مجانية في سبيل ان انت تعلن عن منتجاتهم و تقول رأي فيها مثلا، بس لازم تقول ان الهدايا مجانية او انت اخدت كوبونات خصم او ..او .. او.. المهم لازم تذكر انه إعلان ممول و تعمل منشن للصفحة الرئيسية في البوست بتاعك.
او ممكن تكون انت بتبيع نفس المنتجات دي في بلدك عن طريق وكالة رسمية من الشركة او حصر بيع ليك و بتنشرها علي صفحتك فلازم تحدد في البوست بتاعك انها Brand Content و تذكر العلامة التجارية في البوست بتاعك.
بس خد بالك ان البوست بتاعك لازم يطابق معايير نشر brand content الخاصة بفيس بوك و أهمها :
- ان الإعلان تم تصميمه مطابق لمواصفات و متطلبات FTC (Federal Trade Commission)
- الشفافية للجمهور و عدم خداعهم.
- انك هاتقوم بتزويد الفيسبوك بكل البيانات اللازمة التي يمكنه استخدامها بأي طريقة يراها مناسبة.
كيفية استخدام اداة Brand Content في Facebook
لما بيتم الموافقة علي صفحتك هايوصلك اشعار من Facebook ان تم الموافقة، و هاتبدأ تشوف خيار جديد بقي موجود في نوعية البوست اللي انت هاتعمل و هي " الإشارة إلي جهة راعية" او "Branded Content" و منها هاتقدر تعمل منشن للصفحة الرسمية للشركة الراعية للإعلان اللي هاتعمله.
و حاليا الفيس بوك (2022) عمل تحديث و بدأ ينقل الـ Branded Content tool داخل إعدادات الصفحة بتاعتك و تقدر توصلها من خلال :
الإعدادات > و من القائمة اللي علي الشمال اختار Branded Content و هاتفتحلك صفحة شبه دي :
الـ Branded Content متاح كمان لـ Instagram من خلال انك تربطه بصفحة الفيس بوك من نفس الصفحة اللي فاتت او انك تحدد انه علامة تجارية او تقدر تختار ده من خلال آخر خطوة في البوست علي انستجرام اللي بتكتب فيها الكونتنت بتاعك و تختار "Advanced" و تحتار انه براند كونتنت
بالطريقة دي كل الجمهور هايعرف ان انت حد موثوق فيه بالنسبة للبراند، و كمان الشركة الراعية او المنتجة، لا و كمان تقدر تعمل "Promote" للبوست بتاعك و تشوف رد فعل الناس عليه و كمان البوست بتاعك هايظهر عندهم و بالتالي في ناس من جمهور البراند هايتابعك و يجيلك من خلالهم و العكس.
بالطريقة دي تضمن ان محتواك رسمي و الشركة المنتجة تقدر تموله و حسابك الاعلاني مش هايتعرض للايقاف و تقدر تستخدم الاعلانات علي البوست بتاعك بدون اي قلق او خوف من الايقاف.
النهاية :
محتوي العلامة التجارية هايتشتغل معاك كويس جدا لو انت ليك رؤية واضحة و بتقدم محتوي هادف و مفيد للجمهور، و لازم تبقي عارف العلامة التجارية اللي بتشتغل معاها و قيمها و فاهم رسالتهم علشان تكون علي نفس الطريق و المستوي و تقدم للجمهور المحتوي اللي هما متوقعينه من العلامة التجارية دي.
إرسال تعليق