ازاي افهم Facebook BEAR Algorithm
خوارزمية إعلانات الفيس بوك معقدة، و كل يوم بتتغير و لكن لازم تعرف أساسياتها علشان تعرف تتحكم في فاعلية إعلاناتك مقابل السعر المظبوط. و عدم فهم خوارزمية الإعلانات دي بيؤدي إلي انك تصرف فلوس كتير بدون ما تحقق النتائج اللي انت كنت مخططلها.
الفيس بوك بيستخدم خوارزمية Algorithm علشان يحقق الـ Good User Experience، فمثلاً لو القارئ (انثى و عمرها 22سنة)، ف الطبيعي مش هاتكون مهتمة بإعلانات بتتكلم عن زيت اللحية مثلا. لأن الفيس بوك بيعرف نوعية الإعلان المناسبة للفئة المناسبة و المستهدفة و المهتمة بالاعلان علشان يقدر يخليهم يمروا بتجربة مستخدم كويسة.
و علي الرغم من أن لسة في معلومات او طرق مجهولة لعمل الخورازمية دي و لكن يظل في طرق و مبادئ تقدر كـ Marketer تستخدمها و تطبقها في حملاتك الإعلانية علي Facebook او Instagram. بس خلي بالك ان الخوارزميات دي بتطور باستمرار و علشان كده لازم تتابع التغيرات دي و التطورات علشان تقدر تحقق نتائج صح.
انت لما بتعمل Campaign فانت بتدخل في Auction او مزاد ضد آلاف المعلنين اللي بيعملوا إعلانات زي إعلانك و نفس المنتج او الخدمة، و بعد كده الـ Facebook بيحدد مين اللي يفوز بالمزايدة دي بناءا علي اعتبارات خوارزمية "الدب" او B.E.A.R Algorithm و اللي بتكون اختصار لـ :
- Bid
- Expected Action
- Relevance
كل يوم بيحصل ملايين الملايين من الـ Auctions علي Facebook ، يعني مثلا في واحد (29 سنة - ذكر - من مصر) اظهر اهتمام بالمأكولات، و الألعاب، و ريادة الأعمال و كرة القدم.
صاحب الإعلان رقم (1) محتاج يعمل targeting للرجال اللي متوسط أعمارهم من 22 إلي 30 و مهتمين بمجال ريادة الأعمال في مصر.
صاحب الإعلان رقم (2) بـ target الرجالة اللي متوسط أعمارهم من 22 إلى 30 و مهتمين بالألعاب في مصر.
كل من اصحاب الإعلان رقم (1) و (2) بيستهدفوا نفس الراجل بتاعنا اللي سنة 29سنة مع العلم انهم بيستهدفوا اهتمامات مختلفة، و علشان كده لازم تعرف لما انت بتعمل إعلان أنك بتدخل في منافسة شرسة بين المعلنين اللي مستهدفين نفس الراجل (في قصتنا) اللي انت بتستهدفه، و كلكم بتحاولوا تفوزا مين اللي الراجل هايشوف إعلانه علي الـ News Feed يتاعته مع اختلاف الاستهداف بالاهتمامات.
طيب ازاي Facebook بيقرر مين اللي هايظهر إعلانه للراجل بتاعنا؟!
1- Bid او عرض السعر
عرض اسعارك هو المبلغ اللي انت عاوز تصرفه مقابل الإعلان علي Facebook و حسب الهدف بتاعك سواء بقي Link Clicks او Engagement او Video View أو Lead و هكذا . و بناءاً علي المبلغ اللي هاتصرفه الفيسبوك بيقارن إعلانك مع المعلنيين التانيين و بيشوف هما هايصرفوا او يدفعوا مبلغ أد ايه للإعلان بتاعهم (بنفس الهدف مش الاهتمام) لنفس الجمهور، و لو الـ Facebook شاف انك عامل ميزانيه اقل من المنافسين بتوعك هايخلي أعلي سعر هو اللي يظهر للجمهور المستهدف و إعلانك مش هايظهر، و ده أسهل جزء في موضوع الخزارزمية او Facebook Algorithm.
و لأن Facebook بيعرض الإعلانات بناءا علي صاحب أعلى سعر، فممكن نفترض ان لو إعلانك ماشتغلش بشكل كويس و بنتائج مرضيه يبقي ممكن يكون بسبب ان سعرك اقل من سعر المنافس و ده من أحد أهم الأسباب اللي سهل تعديلها و تدراكها في حملتك الحالية او في المستقبل.
2- Expected Action او الإجراء المتوقع.
العامل التاني في الفوز في المزاد هو الإجراء المتوفع اللي هاياخده العميل اللي انت بتارجته، و هو مدي احتمالية قيام جمهورك بالإجراء اللي هاتختاره و بناءاً علي سلوكيات بحث حمهورك او تصرفهم اونلاين (Online Behavior) و الاهتمامات بتاعتهم.
فيسبوك بيجمع بيانات من مستخدميه باستمرار و ده علشان يعرف هما مهتمين بإيه و بيتصرفوا ازاي، و بيجمع البيانات دي من خلال انه بيقرأ معاك ايميلاتك و بيسمع تليفونك (حتي لو مش بتستخدم التليفون) و بيراقب سلوكك علي الانترنت و من خلال الفيسبوك نفسه.
هاقولك مثال، مش فاكر مثلا كنت بتتكلم مع صاحبك عن الساعات الذكية Smart Watches و فجأة بتفتح الفيس بوك و لاقيت إعلانات بتتكلم عن الساعات الذكية ؟!
الفيس بوك بيجمع كم داتا رهيب جدا حول مستخدمينه و ده اللي بيساعدنا اننا نقدر نعمل استهداف احسن و احسن و نعرف نـ Target ال Audience اللي عنده مشكلة فعلا و عاوز يحلها و عنده قرار الشراء، و خلينا نرجع للمثال بتاعنا اللي في البداية، الراجل اللي عمره 29 سنه و ذكر و من مصر، هو مهتم بالمأكولات، و الألعاب، و ريادة الأعمال و كرة القدم.
الـ Facebook هايشوف آخر السلوكيات للمستخدم ده و آخر حاجة كان بيدور عليها سواء هي مأكولات و لا الألعاب و لا ريادة الاعمال و لا كرة القدم، و اللي تفاعل معاها و كان اكتر اكشن عملها (كليك و لا تعليق و لا شير و لا عبء استمارة) علي الموضوع ده بالاخص. و بعد كده هايعرف الفيسبوك ايه الاجراء اللي عملها اكتر حاجة هل هي (Link Clicks او Engagement او Video View أو Lead) و يعرف مثلا ان الراجل ده مهتم أكتر حاجة بالأكل ، و بيهتم انه يضغط علي اللينك، او انه يملئ استمارة او يكتب تعليق و هكذا.
في مرحلة دي او العامل ده مفيش في ايدك حاجة تعملها غير ان انت تجرب عميلك بيهتم بإيه أكتر و علشان كده ركزنا انك لازم تكون دارس الـ Buyer Persona بتاعتك كويس و عارف عنهم تحركاتهم و اهتمامتهم،
موضوع يهمك (ازاي تستهدف جمهورك Target Persona)
و ده اللي هايخلينا نوصل للعامل الثالث للخوارزمية دي
3- Relevance - الملائمة او العلاقة
يعني جودة إعلانك و اللي بيحددها فيسبوك بناءا علي صفحتك الـ Score بتاع الصفحة، او علي الـ Landing Page اللي انت عاملها و الاستهداف الصح، و العليقات السلبية و علي الـ Score بتاع الـ Ad Account بتاعك.
خلينا نتكلم علي اول حاجة (Landing Page)
لو انت عامل إعلان علي بيوجه جمهورك علي Landing Page ، الفيس بوك بيقوم بمسح و فحص الصفحة دي كويس جدا (ماتعملش صايع!) لان الفيس بوك هايقرأ الصفحة و يعرف هلي هي مناسبة فعلا للجمهور بتاعك و هايبقي مهتم بيها و لا لأ.
يعني مثلا لو الفيس بوك شاف ان الـ Landing page او صفحتك من غير صفحة او رابط Privacy Policy ده ممكن يقلل من فرصك في الظهور. كمان لو صفحتك او إعلانك بيتكلم عن صور الـ Before & After اللي هو ضد سيساة الفيس بوك أصلا في الإعلان ده كمان الفيس بوك هايشوفه ، ده حتي التكست و الكابشن اللي علي الصور و الـ Headline الفيس بوك يقرأها كمانو بيقارنها بالـ Ad Copy حتي لو صورة (تاني.. بلاش تصيع عليه).
تاني حاجة Schema Data
البيانات دي شبه الكوكيز Cookies اللي بتبقي علي المواقع اللي براقب حركة المستخدم علي المواقع و بيستخدمها ازاي و بيدور علي ايه و بيجمع البيانات دي علشان يقدر يعرف اهتمامات المستخدمين و لو انت بياناتك مظبوطة علي الموقع و مطابقة للإعلان و كمان مفعل Facebook Pixel's ده بيخلي جودة إعلانك احسن و النتائج افضل.
تالت حاجة هي الـ Relevance score
بيتم تحديد ملائمة إعلانك علي مدى ملائمته للجمهور المستهدف، فلو كنت بتستهدف الناس اللي مهتمة بالاكل للناس اللي مهتمة بالكورسات الأونلاين فاكيد هاتكون نتيجة إعلانك سيئة جدا . و ده علشان الـ Relevance Score بتاع إعلانك مش كويس و انت مش عامل استهداف صح.
رابع حاجة في الـ Relevance هي الـ Creative
الصورة او الفيديو اللي انت بتستخدمه في الاعلان هو ده اللي بيسموه الـ Creative، و كل ما كان الCreative بتاعك يجودة عالية و مش misleading و مفيش فيه أخطاء و مفيش فيه تكست كتير كل ما كان نتيجة إعلانك احسن و التكلفة اقل.
خامس حاجة و هي الـ Negative feedback
خلي بالك ان اي تعليق سلبي او ايجابي بيكون له علاقة وثيقة جدا بجودة الاعلان بتاعك و بأدائه، يعني لو الناس بتخفي لإعلان بتاعك او بيتفاعلوا عليه بطريقة سلبية الفيس بوك ممكن يوقف الظهور للجمهور بتاعك و بالتالي التكلفة هاتبقي كبيرة و في نفس الوقت مش هاتحقق نتائج.
سادس حاجة الـ Ad Account Quality Score
خد بالك من حاجة مهمة اوي، ان نقاط الجودة للحساب الإعلاني بتاعك بتتوقف علي عُمر الحساب الإعلاني و مقدار الفلوس اللي انفقتها في الحساب ده، هل الفيزا بتاعتك اتعرضت للرفض او لا .
كل اللي فات ده ممكن يأثر علي نقط الجودة الخاصة بإعلانك، و كل ما تعمل ميزانية اقل من اللي قبلها كل ما كلفك اكتر في المزادات و بيؤدي في النهاية إلي ان التكلفة بتكون كبيرة و عملية تحويل العملاء بتكون أصعب.
الاستنتاجات
خلينا نرجع تاني للـ 2 معلنين اللي كانوا معانا في المثال اللي فوق:
- صاحب الإعلان رقم (1) محتاج يعمل targeting للرجال اللي متوسط أعمارهم من 22 إلي 30 و مهتمين بمجال ريادة الأعمال في مصر.
- صاحب الإعلان رقم (2) بـ target الرجالة اللي متوسط أعمارهم من 22 إلى 30 و مهتمين بالألعاب في مصر.
الـFacebook بيخلي الاتنين دول في مزاد ، و اللي كسب فيهم هو المُعلن رقم (2) و ده علشان إعلانه بيتكلم عن الألعاب و الصور بتقول كده و الـ Ad Copy كمان و الرسالة اللي عاوز يوصلها بتتكلم عن كده بكل شفافية و خدع للضغط ، بالإضافة إلي انه عنده higher score للحساب الإعلاني و هايدفع مبلغ أكبر ، و طبعا كل العوامل دي جعلته هو الفائز في المزاد و إعلان هو اللي فاز و ظهر للشخص المستهدف.
و علي الرغم من كده انا عاوز اطمنك ان انت مش محتاج كل جزء من الخوارزمية دي علشان تفوز بالمزاد، لان الـ Facebook بيعطي الأولوية للـ User Experience ، فانت ممكن تعمل ميزانية كبيرة للإعلان و لكن لو درجة الملائمة Relevance مش كويسة للمستخدم هاتخسر ده و هايكسب واحد تاني عندة درجة Relevance أعلى منك.
افهم انت انت مش محتاج تجيب 10/10 من العوامل دي علشان تفوز بالمزاد لان في متغيرات مختلفة بتحكم العملية دي ، و أغلب الMarketers بيقدروا يتحكموا فيها، و اهم مستوي لفهمهم ده ان ازاي الـ Algorithm دي بتشتغل.
احنا في "المراكتير" فاهمين الـ Facebook Algorithm دي و التعامل معاها علشان نقدر نعمل حملات إعلانية ناجحة بتكاليف معقولة و نتائج رائعة.
إرسال تعليق