استراتيجيات المحتوي في التسويق
يعني ايه استراتيجية المحتوي:
هي المحتوي اللي تم تجهيزة للنشر في عدد من القنوات (Platforms) علشان يحقق اهداف التسويق الأساسية، بمعني تاني هي "لماذا او الـ"Why"، فقبل ما تبدأ اي محتوي لازم تسأل نفسك "ليه" ، ليه بتكتب المحتوي ده ، لان لو انت مش بتكتب المحتي و بتاعك علشان توصل للـMarketing Objective محدد فلازم تراجع نفسك.
المحتوي التسويقي - Content Marketing
ده اللي بيركز علي الخطط و التنفيذ اللي هايتم في عمليتك التسويقية اللي بيتضمن انشاء المحتوي او التعديل عليه او الحفاظ علي نفس نوع المحتوي اللي انت بتقدمه.
الـContent Marketing بيركز اساسيا علي انشاء محتوي مش بس جمهورك عاوزه و لكن بيساعدهم كمان في رحلة بحثهم من خلالك او ما يطلق عليه Customer Journey
ايه هو المحتوي Content
المحتوي ده بيكون رسالتك اللي بتتضمن تنوع القيمة اللي انت بتقدمها، المحتوي ممكن يتم تقديمه من خلال فيديو او صورة او مقال، و هدفه في الاساس تكوين رابط قوي بينك و بين جمهورك.
المحتوي مش لازم يتكلم عن المنتج بتاعك فقط، و لكن ممكن يتكلم عن مواضيع مرتبطه بمنتجك او باللي انت بتقدمه. زي مثلا لما تكتب مقال او بوست علي فيسبوك او بلوج بعنوان "10 اسئلة لازم تعرف اجابتها و انت في مقابلة شخصية" لو مجالك بيقدم خدمات موارد بشرية مثلا.
محتواك او الContent بتاعك له عدة وظائف، انه يجذب عملائك المحتملين و يقنعهم و و يهتم بيهم و كمان تقدر تخليهم هما اللي يسوقوا للمنتج او الخدمة بتاعتك.
التسويق بالمحتوي له اربع خطوات علمية لازم تكون عارفها و هي الـ Content Process و بتتكون من :
التخطيط - التنفيذ - التوزيع - التحليل
و هانتكلم علي اهم حاجة و هي التخطيط او Plan
ببساطة هانقول ان المحتوي بتم التخطيط له بـ 3 حاجات (الهدف - الشكل - الموضوع)
الهدف - Objective:
ايه هو الهدف من المحتوي اللي بقدمه، هل هو انك تخلي الناس تزور الموقع بتاعك؟ ، و لا تحولهم لعملاء محتملين لشركتك؟ ، الهدفين مختلفين تماما عن بعض، علشان كده لازم يكون هدفك واضح من البداية في تكوين المحتوي الخاص بك.
علي سبيل المثال : انك تعمل عرض Offer لمنتجك او لخدمتك اللي بتقدمها غير انك تعمل بلوج او مقالات علي الموضع بتاعك، لان اللي هايهتم بالعرض بتاعك هو العميل المحتمل ليك، و لكن المقال او البلوج بتاعتك هاتكون متاحة لاي شخص علي الانترنت.
الشكل - Formate:
شكل المحتوي بتاعك (بناءا علي الهدف) ممكن يكون في اشكال كتير زي
Case study - videos - infographic - worksheet - eBook - template - research report - checklist - webinar - SlideShare deck
الموضوع - Subject:
هاتسأل نفسك سؤال: ايه الفرق بين كل الأشكال دي ، بصراحة مش كتير و لكن اختيارك هايكون بناءا علي مين جمهورك و الرسالة اللي انت عاوز توصلها و عندك وقت اد ايه علشان تقدمها و كمية المعلومات المتاحة.
جميل جداً بارك الله فيك وفقك
ردحذفإرسال تعليق