كل اللي محتاج تعرفه حول تحسين محركات البحث SEO
احنا بقي هانقولك الاساسيات اللي تساعدك في فهم الممصطلح ده و بطريقة سهلة و بسيطة
معني SEO او تحسين محركات البحث
الـ SEO هو اختصار لكلمة Search Engine Optimization و اللي هي بالعربي "تحسين محركات البحث" ، و هي باختصار مجموعة من الاجراءات و التي تهدف إلي زيادة و تحسين جودة زيارات الموقع الالكتروني، و ده بيكون من خلال نتائج البحث غير المدفوعة علي محركات البحث و اللي هو "Organic Search Reach".
الموضوع يظهر علي أنه اهتمام بالموقع اكتر حاجة، و لكن الموضوع متعلق أكتر بالاشخاص، لانه بيدور حول:
- فهم الناس بتدور علي ايه في الانترنت
- الاجابات اللي بيدوروا عليها
- الكلمات اللي بيتسخدموها في البحث
- نوع اهتمامتهم و المحتوى اللي عاوزين يقرأوه
لو قدرت توصل للنقاط دي و إجاباتها بشكل محايد و قدرت تربطها بالمستخدمين اللي بيعملوا بحث علي الانترنت هاتقدر تكون متصدر نتائج البحث و تكون في اوائل نتائج البحث.
بس لازم تكون عارف ان في وجهين للـ SEO او السيو، و هو انك تكون عارف الناس بتدور علي ايه، و الوجه التاني ان ازاي تخلي محرك البحث يقدر يلاقي الموقع بتاعك و يعرضه للجمهور.
كيف تعمل محركات البحث؟
ما هي نتائج البحث الغير مدفوعة Organic Search؟
- الـ Snippets او صندوق الاجابة اللي بيظهر علي شكل إجابة لسؤالك في أعلى الصفحة و فوق اول رابط للنتائج.
- قائمة او قسم النتائج اللي ليها علاقة بالبحث People Also Ask
- و قسم الصور ذات العلاقة ببحثك.
هل الـ SEO سيو مهم ؟
القبعة البيضاء و القبعة السوداء!
1- ارشادات مشرفي المواقع من جوجل Google Webmaster Guidelines
المبادئ الأساسية:
- انشيء صفحاتك للمستخدمين و ليس لمحركات البحث
- لا تخدع مستخدمي موقعك الالكتروني
- تجنب اللجوء إلأى الحيل و الطرق الملتوية علشان تحسن ترتيب موقعك و اسأل نفسك هل انت فعلا بتقدم محتوى هادف، و ايه هو اللي بيدور عليه عميلك المستهدف.
- فكر دائما في انك تكون مميز و محتواك اكثر جذباً للمستخدمين.
تجنب التالي:
- محتوى بيتم انشاءه تلقائيا بطريقة برمجية
- استخدام روابط او او حيل بطريقة غير قانونية بهدف التلاعب بالأرقام و ترتيب النتائج علي صفحة البحث.
- انشاء صفحات فيها محتوى قليل او شبه معدوم او غير أصلي (منسوخ)
- تزوير المحتوى بحيث يظهر لل Crawlers محتوى محتلف عن اللي بيظهر للمستخدمين.
- نصوص و روابط مخفية
و تقدر تشوف كل التعليمات من موقع مشرفي الويب علي جوجل من منتدي المساعدة في موقع جوجل
2- إرشادات مشرفي المواقع من Bing
المبادئ الأساسية:
- قدم محتوى واضح و جذاب و يسهل العثور عليه
- لا تهمل سرعة تحميل صفحة موقعك و تقديم تجربة مستخدم مرضية
- احرص علي استخدام بيانات Alt Text لوصف الصور حيث تساعد Bing علي فهم محتوي موقعك بشكل افضل
- التأثير الاجتماعي و مشاركة المحتوي علي وسائل التواصل الإجتماعي يعتبر علامة إيجابية تؤثر علي ترتيبك الطبيعي في صفحة نتائج البحث علي Bing.
تجنب التالي:
- المحتوى الضعيف الذي يكون الغرض منه هو الدعاية فقطن او توجيه المستخدم إلي مواقع أخري
- تقنيات الروابط الوهمية و التي تهدف إلي زيادة عدد الروابط الداخلية.
- استخدام المحتوي المكرر او نسخه و سرقته.
- المبالغة في استخدام الكلمات المفتاحية.
نية المستخدم User Intent و الـ SEO
بعد ما شوفنا اهم الاجراءات اللي لازم اتباعها في تحسين محركات البحث، لازم تعرف ازاي تحسن السيو الخاص بيك بناءاً علي نية المستخدم.
الناس اللي بتعمل بحث علي الانترنت بتكون بتدور علي إجابة او صورة معينة او مقطع فيديو توضيحي او مقال و هي دي "نية المستخدم" او "User Intent"
نوايا المستخدم الأكثر شيوعا
- معلوماتية Informational : و دي اللي بيدور فيها المستخدم عن معلومة معينة.
- تصفح Navigational : و دي اللي بيدور فيها المستخدم علي موقع محدد
- معاملاتيه Transactional : و دي اللي بيكون في المستخدم بيدور علي حاجة سواء للشراء او البيع .
كيف اعرف نية المستخدم
تقدر تاخد فكرة عامة عن نية المستخدم من خلال بحثك علي اكثر الكلمات المستخدمة في مجالك، تقدر تعمل بحث عن كلمة معينة من الكلامات دي، و تعم لتقييم لنتائج اللي ظهرت في صفحة نتائج البحث SERP
مثلا لو اول حاجة ظهرت في صفحة البحث في أعلى الصفحة صور ليها علاقة بالكلمة يبقي في الغالب المستخدمين بيدوروا علي الصور اكتر للكمة دي.
كمان لازم تشوف المحتوى اللي بيقدمه المنافس بخصوص الكلمات المفتاحية اللي عندك، و تقدم انت محتوي اكثر كفائة منهم ب10 اضعاف و يكون مفيد و جذاب.
كل لما تقدم محتوى له علاقة بكلمات البحث، و بجودة عالية هاتزيد فرصك في انك تحقق ترتيب افضل في نتائج البحث.
هدف الموقع و الـ SEO
و بعد ما عرفت هي ايه نية المستخدم، لازم قبل كده تعرف انت ليه هاتعمل الموقع و الهدف منه ايه علشان تعرف تعمل خطة سيو SEO واضحة و مناسبة.
المواقع بتختلف عن بعض و اهدافها مختلفة فلازم تفكر كويس جدا انت هاتعمل الموقع علشان ايه؟، ده هايساعدك في معرفة استراتيجيات الـ SEO اللي هاتستخدمها و المناسبة ليك و للمستخدم.
ابدأ بسؤال نفسك ما هي مؤشرات الأداء الرئيسية KPIs اللي يجب عليك قياسها علشان تعرف مدى نجاح استراتيجية السيو SEO الخاصة بك؟
- ارقام المبيعات علي الموقع
- ارقام التنزيلات Downloads
- ارقام المسجلين الجدد في الموقع
- عدد الطلبات المستلمة من الموقع
- عدد المكالمات الهاتفية اللي استقبلتها
في اكتر من كده كمان و لكن دي بعض الأمثلة اللي تقدر تشتغل عليها في البداية، و لكن بردو لازم تخلي بالك ان مش هدفك الرئيسي هو عمل حركة او traffic علي موقعك ، اي نعم انت بتسعى لأن يكون ترتيب موقعك جيد في محركات البحث و لكن دي مش مجرد انها وسيلة علشان تحقق اهداف الموقع الاساسية.
يعني مثلا فكر معايا في المثالين دول:
- انك تحصل علي 1000 زائر لموقعك و يشتري منهم 3 المنتج او الخدمة بتاعتك
- انك تحصل علي 400 زائر للموقع منهم 40 شخص اشتروا الخدمة او المنتج بتاعك.
اظن اجابتك حددت انت ليه عاوز تحسن السيو في الموقع بتاعك.
الخلاصة:
السيو SEO مش مجرد انك تظهر في نتائج البحث و لكن دي عملية بتتم طبقاً لاستراتيجية و أهداف و مجموعة من العمليات المتفق عليها مسبقاً و الهدف منها هو تحقيق اعلي عائد علي الاستثمار من خلال تحسين ترتيبك في محركات البحث بحيث تكون لك الاولية في الظهور للمستخدم بناءا علي النية التي يبحث عنها في محركات البحث.
المصدر: MOZ
إرسال تعليق