حسابك الإعلاني اتقفل.. اني اسف

Facebook ad account restricted

اهم ١٠ نصائح لتجنب إيقاف حسابك الإعلاني


الناس اللي شغالة Media Buyer 

علشان تتجنب وقف الصفحة من فيسبوك أو حظرها و حظر الحساب الإعلاني ad account
نصيحة من اخوك علشان تبقي في السليم .
اولا الفيس بوك مش عبيط و انت مش اذكي منه و اي حاجة بتعملها هاتتجاب يعني هاتتجاب و ده غير انهم شغالين روبوت machines هي اللي بتراجع و بتتابع شغلك و اي حركة مريبة "بوووم" مع السلامة ، علشان كده خلي بالك : 
 
١- الضمير، لازم يكون عندك ضمير و تراعي ربنا في اللي بتعمله لان دي فلوس و تعب ناس هاتتحاسب عليه

٢- ابعد عن أي برامج سحب داتا أو غير شرعية ، هاتبان و هاتتعرف و لو بعد حين.

٣- بلاش VPN هاتتجاب بردو ، الفيس مش عبيط، بعيدا عن تتبع الIP بتاعك و لكن في ملفات ال cookies و ملفات الارتباط اللي مش بس متخزنة علي جهازك و المتصفح، لا دي متخزنة علي سيرفرات فيس بوك كمان ، ماتبقاش شغال media Buyer و انت مش عارف ده ، أمال الاستهداف بيشتغل ازاي 😉.

٤- بلاش تقارن شغلك بغيرك حتي لو نفس المجال ، يعني مش سعر الرسالة اللي بيكون مغري كل نشاط له زبون ز عميل مستهدف و اهتمامات و ده غير حركة الصفحة و حجمها ، لو عميلك مش فاهم ده فهمه و عرفه أن هدفنا البيع او ROI في مرحلة ال conversion 

٥- الريتش مهم ايوة، و لكنه مش مقياس نجاح، دي مرحلة في ال funnel هاتعدي و تخلص و نحافظ عليها organic بردو .

٦- اهتم بالمحتوى اوي لانه "بيعجب" الفيس بوك و بيجيبلك اوردرات ببلاش .

٧- بلاش شغل سيرفرات و تجميع لايكات ، اشتغل سليم "شرعي" احسن ما تلبس 

٨- صاحبك اللي بيشتغل "شمال" ممكن يأثر علي شغلك و لو مكانه قريب من مكان شغلك ممكن تتجاب في الرجلين، هاتقولي "و انا مالي يا لمبي" هاقواك الروبوتس بتعمل لينك من خلال الموقع الجغرافي و بتشك في كل حد في المكان ده . و لكن لو قدمت طلب مراجعة بتتفتح و تشتغل عادي 

٩- برامج الواتس اب و الرسائل بتشتغل لفترة لغاية لما تتجاب و تتعرف و هايتقفلك كل حاجة و ماتعملش ناصح و تعمل اكونت جديد، قولنا الروبوتس machines بتعرف تعمل لينك كويس اوي و انصح منك اوووي فوق ما تتخيل. 

١٠- لو الصفحة اتقفلت أو حساب الاعلانات نهائي اوعي تصدق اللي يقولك هارجعهالك حتي لو ببلاش، هاترجع و تتقفل اول لما تشتغل عليها تاني. و ده لأنهم فاهمين و مش سذج و عبط 

الخلاصة 

من الاخر العميل لو شاف شغلك كويس هايرشحك لغيره و المكسب ربنا بيبارك فيه اوووي لو انت بتراعيه، الموضوع مش شوية اعلانات و خلاص، ده دراسة و فهم و وقت و مجهود مش بالساهل ، و الدليل أن معظم اللي بياخدها نصاحه في الغالب بيلبس في الحيطة و بيضيع شغله و شغل الناس و اي فرصة ممكن تجيله في المستقبل.

#metahubegypt #mediabuying #mediabuyer #facebookads #facebooktips 
#تسويق #اعلانات #التسويق 

إرسال تعليق

شاركنا تعليقك (0)

أحدث أقدم