لو انت عملت إعلان او في حد بيعملك إعلانات و لاقيت الظهور عدد كبير، اكيد هاتفرح ان إعلانك ظهر لناس كتير و انت كده "وصلت" لأكبر عدد من الناس، و حققت نتائج ممتازة. و لكن احب اقولك الكلام ده بنسبة كبيرة مش صح و هاقولك ليه بناءاً علي المثال التالي:
لنفرض انك عاوز تعمل إعلان هدفه انك توصل لأكبر عدد من الناس خلال اسبوع مثلاً، و الجمهور المستهدف بتاعك تقريبا 500,000 شخص. و بعد انتهاء فترة الإعلان وجدت النتائج كالتالي :
- Impression الظهور : 450,000
- Reach الوصول: 45,000
- Frequency التكرار: 10 مرات
و طبعا انت فرحت بالنتائج دي لان أن لاقيت ان إعلانك ظهر لمعظم الجمهور المستهدف، و لكن الاستنتاج ده مش صحيح خالص لانك وصلت فقط لـ 10% فقط من جمهورك المستهدف. لأن إعلانك ظهر فقط لـ 45,000 شخص و اتكرر عليهم 10 مرات خلال الأسبوع.
اعرف الفرق ازاي و اعرف اقرأ النتائج و اتحكم في التكرار ازاي؟
مصطلح الـ Reach و الـ Impression مش مفهومة بشكل كبير لعدد من الناس و غالبا بيهملوا دورها في نتئاج الحملات الإعلانية .
و علشان كده هانوضح الفرق بينهم مع توضيح ازاي تقدر تتحكم في الظهور و الوصول في حملاتك الإعلانية.
الفرق بين الظهور و الوصول Impression & Reach
الوصول : هو عدد مرات ظهور إعلانك للمستخدم الواحد خلال فترة زمنية معينة بصرف انظر عن عدد مرات ظهور الإعلان أمام المستخدم.
بمعني : لو عندك إعلان علي أي منصة تواصل إجتماعي و وجدت عدد "الوصول" Reach مثلا "1000" يبقي الإعلان بتاعك ظهر لـ 1000 شخص
الظهور : هو عدد مرات ظهور الإعلان للمستخدم الواحد علي الشاشة خلال 24 ساعة.
نرجع للمثال اللي فوق 👆، و هو ان الإعلان عمل وصول "Reach" إلي 1000 شخص مثلا، و مرات الظهور هي 3000، يبقي الإعلان بتاعك ظهر للمستخدم الواحد 3 مرات خلال الـ 24 ساعة.
Impressions count exposure, reach counts clicks
بس مش معني كده اني لو شوفت إعلان مرة علي الفيسبوك مثلا و رجعتله في نفس اللحظة يبقي كده ظهور مرتين ، و لكن احتساب المرتين لازم يفصل بينهم مدة زمنية كافية علي الاقل 3 ساعات مثلا علشان تتحسب انه ظهر مرتين.
هل يمكن التحكم في عدد مرات الظهور Impression؟
طبعا تقدر تعمل ده من خلال انك تتحكم في حاجة اسمها Frequency Cap و دي هانشرحها ببساطة في السريع كده.
Frequency Cap او عدد مرات الظهور : هو الحد الأقصي لظهور إعلانك للجمهور المستهدف خلال فترة زمنية محددة.
بمعنى ان لو عندك حملة إعلانية تقدر تتحكم في عدد مرات الظهور مثلا مرة كل يومين او مرة كل ثلاثة أيام أو مرتين في اليوم الواحد و هكذا.
و لكن لازم تحذر ان لو إعلانك ظهر بشكل متكرر زيادة عن اللازم لنفس الشخص ممكن يعمل إخفاء لإعلاناتك و مش هايشوفها تاني لان الموضوع مزعج بالنسبة له ، و بالتالي مش هايشوف أي إعلان ليك في المستقبل، و الفيس بوك هايصنف إعلانك علي إنه مش جيد و تكلفتك هاتزيد و كمان مش هاتظهر للجمهور المستهدف بتاعك.
ما هو افضل عدد تكرار ظهور الإعلان ؟
في الحقيقة مفيش كلام مؤكد علي العدد تحديدا و لكن الطبيعي انه بيكون من 1إلي 1.5 في الأسبوع و ده بيكون الضبط الافتراضي للفيس بوك و تقدر تشوف ده من نتائج الإعلانات .
الخبراء و المحللين للإعلانات قالوا انك حاول ما تزودش عن 3 مرات في اليوم كحد أقصى لو انت اللي هاتحدد عدد مرات الظهور لنفس الشخص.
أين يمكن تحديد عدد مرات الظهور Frequency Cap؟
في فيس بوك Facebook
في فيس بوك من خلال مدير الإعلانات Ads Manager، لو انت عامل حملة Reach هاتدخل علي مستوي الـAd Set اللي هو المستوي الثاني، في آخر الصفحة و عند قسم الـ Optimization & delivery و تضغط علي Show more options K، و هاتظهر عندك اختيارات مفتوحة للتعديل و هي عدد مرات ظهر الإعلان لكل عدد معين من الأيام.
و لو انت بتعمل حملة إعلانية هدفها التفاعل او Engagement في نفس مستوي الـ Ad Set و عند قسم Optimization & delivery و عند Optimization for ad delivery هاتختار من التالي :
- الظهور - Impression: الاختيار ده هايوصل إعلانك لأكبر عدد ممكن من الناس، بس بشكل متكرر.
- تفاعل المنشور - Post Engagement: هايوصل إعلانك للجمهور المستهدف الصحيح بتاعك ، اللي بيعملوا لايك او كومنت او شير.و ده بيكون الاختيار الافتراضي اللي النوع ده من أهداف الإعلانت بيكون مظبوط عليه.
- Daily unique reach: و هنا اعلانك هايظهر للجمهور مرة واحدة بس يوميا.
بالنسبة لإعلانات جوجل:
التحكم في تكرار الاعلانات في اعلانات اليوتيوب Google Videos و اعلانات الDisplay .
إرسال تعليق