الإعلان علي Facebook يعتبر الوقتي من أكثر الطرق فاعلية في عصرنا، و ده راجع ان اكتر من 22% من سكان العالم بيتسخدموه علشان يعرفوا الاخبار و التواصل بشكل يومي. و لا يمكن ان تضاهي اعلانات فيسبوك مع اي اعلانات من حيث تكلفة بناء الوعي. في حين ان الإعلانات التليفزيونية في المتوسط لها تكلفة لكل افل ظهور تزيد عن 35 دولار، فإن تكلفة الف ظهور علي اعلانات فيسبوك اقل تقريبا 5 مرات بما لا يزيد عن 7 دولار.
و لو انت مسوق او صاحب عمل بتعرض اعلانات علي "فيسبوك" فانت بتخاطر بان حسابك ممكن يتوقف في يوم من الايام و بشكل دائم اذا انتهكت ارشادات و تعليمات و سياسات الاعلانات، لو بصينا علي معظم حالات الغلق بيكون في سبب واضح و ليه فيس بوك قرر يعطل لحسابك، و احتمال ان القرار ده غلط ضئيل جدا.
و مع ذلك بعض الاخطاء بتقفل حساب الاعلانات بتاعك إلي أجل غير مسمي ، و بصرف النظر عن انك شوفت قبل كده ناس اتقفل حساباتهم و انهم ماعملوش اي خطأ و لكن فيس بوك بيكون واضح جدا في حالة تعطيل او تشغيل حساب الاعلانات و في اسبابه اللي دفعته لكده.
الأسباب الثلاثة الرئيسية وراء حذف حساب الإعلانات
لما فيسبوك بيقفل نهائيا حساب إعلانات بيكون غالبا سبب من الـ3 دول:
1- الإعلان
2- حساب الإعلان
3- صفحة الـ Landing Page
طيب ايه هي الأسباب اللي تؤدي لغلق الحساب سواء مؤقتا او نهائياً
1- الإعلان بيتعارض مع شروط خدمة فيس بوك
افضل حاجة هي انك تكون عارف سياسات إعلانات فيسبوك، لان انت لو تعديتها او خرجت عنها ده هايقفل حساب الاعلانات بتاعك، لازم تكون متابع التحديثات اللي بتتم علي سياسات الإعلانات في فيس بوك و عارف ايه اللي يتعمل و ايه لأ، و انك لو مش عارف السياسات دي مش سبب لإدارة فيسبوك انها تشغل الحساب تاني، فلازم تاخد وقت و تقرأ كويس سياستهم.
الـ Facebook بيحذر بشكل واضح من نوعية الإعلانات التالية:
- الإعلانات اللي تروج للجنس او القمار او العنف، و هي بتكون 3 مناطق رمادية ممكن اي حد يقع فيهم بدون قصد.
- إعلانات الـ Dating او المواعدة من شخص او مؤسسة غير معتمدة، لان الكلام ده خارج الوطن العربي مشروع و له ناس مرخصة لكده.
- الإعلانات اللي بتساعد الناس انهم يكسبوا فلوس، زي مثلا مواقع الفوركس او البورصة او التسويق الشبكي.
2- تعليقات و ملاحظات سلبية من المستخدمين
الـFacebook عمل مؤخراً نتائج "الملائمة" او "Relevance Scores" و اعطي المستخدمين الصلاحية انهم يبطلوا يشوفوا اعلانات من النوعية دي مع ذكر الاسباب, درجة الملائمة دي بتقولك جمهورك شايف الإعلان ازاي و جودة المحتوي اللي اعلنته عامل ازاي!، و طبعا كل لما يكون Feedback سلبي بتكون النتائج مش كويسة في التفاعل، و مع ذلك فإن التعليقات السلبية ممكن تعطل حساب اعلاناتك.
مش مهم ان يكون عندك relevance score عالي، و لكن لو تلقيت تعليقات سلبية فانت بتخاطر بتعطيل حساب الاعلانات بتاعك، حتي لو كنت بتشوف تعليقات إيجابية لازم تتابع منشوراتك باستمرار لان ده بيتغير مع الوقت.
لازم تكون سريع في اتخاذ اجراءات التعديل اللازمة قبل ما فيس بوك هو اليل يوقفلك الاعلان او حسابك، ماتسيبش الاعلان شغال و تقول بكرة هاعدله، لازم تعدل المشكلة بسرعة او توقف الاعلان لغاية لما تخلص تعديل و بعد كده تشغله تاني.
ايه هي نوعية الإعلانات اللي الـ Facebook بيرفضها:
1- الإعلانات اللي بتثير الخوف او المضللة، او تحفذ الضغط علي الإعلان، او التلاعب بالمستخدمين بطريقة او بأخري.
2- الإعلان اللي مش واضح الهدف منه، لازم يكون عندك شفافية في الإعلان و موضح الاعلان ليه و علشان ايه بوضوح و ايه اللي المستخدم بتاعك متوقعه من الضغط علي الإعلان.
3- الإعلانات اللي بتتدعي بدون أي اساس من الصحة سواء بالإيجاب او السلب علي منتج معين او علامة تجارية معينة او بتشرح المنتج بطريقة مضللة.
4- الإعلانات اللي تحتوي علي صور غير مناسبة او مضللة او مالهاش صلة.
5- الإعلانات اللي بتحتوي علي محتوي غير قانوني، زي المحتي الموحي جنسيا، او معلومات المستخدم الشخصية، او الإداعاءات المضللة زي مثلا اني اقول ان انت مش هاتعرف تكمل حياتك من غير المنتج ده.
3- استخدام نفس مصدر الدفع لكل الحسابات بتاعتك
افضل شيء لما تحب تعمل إعلانات علي Facebook هو انك تعمل حساب علي Facebook Business Manager، اللي ممكن من خلاله تشغل اكتر من 10 حسابات إعلانيه او حتي 1000 لو أنت وكالة إعلانات معتمدة، بالطريقة دي لو تم حظر حساب اعلانات واحد مش كل حاجة هاتضيع و تقدر تعمل حساب تاني و ده في أسوأ الظروف يعني.
و انت بتعمل مصدر الدفع "الفيزا كارد" مثلا حاول تستخدم اكتر من كارت او اكتر من وسيلة دفع زي PayPal مثلا ، لان في حال تم اغلاق حساب اعلاناتك الفيسبوك بيقوم كمان بتعطيل الفيزا نفسها كمان اللي كانت علي حساب الإعلانات ده و طبعا لو بتستخدمها في كذا حساب اعلانات، الموضوع بقي كارثة.
ف كنوع من الحكمة حالو تنوع مصادر الدفع بحسث ان لو واحدة اتعطلت فعندك بدائل تانية جاهزة، و معظم البنوك حاليا بتقدم خدمة كروت الانترنت للاستخدام في الشراء او الإعلانات في فيسبوك.
4- تسجيل الدخول من عناوين IP مختلفة
لو انت مسافر او علي طريق فاحنا مش بننصح انك تدخل علي حسابك الاعلاني إلا من خلال جهاز كمبيوتر انت بتدخل منه باستمرار، لان الـ Facebook بيضع علامة علي الحسابات اللي بتعمل تسجيل دخول نت ايبيهات مختلفة علشان ممكن الحساب يكون معرض للسرقة، و اذا استمريت علي كده ممكن حسابك يتعطل. و علشان كده يفضل تستخدم نفس الجهاز سواء موبايل او كمبيوتر في كل مرة هاتدخل علي حساب الإعلانات بتاعك.
5- بتصرف فلوس كتير و بسرعة.
لو انت مراكتير جديد فاعرف ان في حدود للصرف و حدود لسرعة الصرف و الإعلانات، و لو استخدمتها بطريقة عشوائية هاتعرض حساب اعلاناتك للتوقف، و ده فخ بيقع فيه معظم الناس اللي شغاله جديد ، و هو انه يصرف بسرعة علشان يعمل نتائج اسرع و لكن الـ Facebook بيفسر ده علي انه Spam و سوء استخدام.
الطريقة الصحيحة علشان تتوسع من غير ما تثير الشكوك هو انك تعمل ده ببطء و يفضل ان ده يكون عن طريق زيادة ميزانية اعلاناتك بم لا يزيد عن 15% يوميا علشان حساب الإعلانات يكون في منطقة آمنه و كمان سقف مصاريف الإعلانات يرتفع معاك بدون مشاكل.
6- أعلانات كتير مرفوضة.
قبل ما ادفع إعلان او تنزل إعلان عادي علي صفحتك لازم تراجعه كويس من حيث نسبة النص اللي في الصورة اللي مش لازم تزيد عن 20% و تقدر تستخدم أداة فيس بوك لقياس نسبة النص، و كمان اتأمد ان انت ممش عندك إعلانات مرفوضة كتير، لان فيسبوك بياخد ده في الاعتبار، لو تم رفض اعلانات كتير اكتر من مرة ممكن حساب اعلاناتك يتوقف او ممكن الصفحة نفسها مش هاتقبل اعلانات مدفوعة تاني للأبد.
7- تاريخ طويل من الإعلانات المرفوضة.
لا تترك اي اعلانات مرفوضة علي حسابك، لان ده ممكن يخلي Facebook يدور وراك فيما بعد و يمكن يقفل حسابك، مع العلم لن ده مش هايخفي الاعلانات المرفوضة عن فيسبوك لانه محتفظ بيها في سجل عنده، و لكن لو سيبتها بيبقي شبه اعلام حمراء Red Flags في كل حتة في حسابك.
لما يتم رفض إعلان لازم تمسحه في اسرع وقت و خاصة لو انت بتخطط ان انت تعمل اعلانات تاني قريب، لان ده بيقلل فرصك في الموافقة علي الإعلانات اللي بعد كده .
في بعض الأحيان ممكن يتم رفض إعلان تمت الموافقة عليه قبل كده بسبب تغيير سياسة الـ Facebook ، و لو اكتشف الفيس بوك ان في اعلانات تم رفضها بعد الموافقة و انت لسة بتشغلها او محتفظ بيها ده ممكن يكون سبب في تعطيل حساب اعلاناتك او الصفحة كلها.
8- مستخدمين محظورين= حساب إعلانات محظور
مش جديد عن الـFacebook انه بيتتبع الصفحات و الأدمن اللي فيها و حسابات الإعلانات علشان يعرف ايه الصلة بينهم، و لكن لو في أدمن او حساب تم حظره و الحساب ده مرتبط بصفحة، اعرف ان حساب الإعلانات اللي مرتبط بالمستخدم ده هايقف نهائي.
اسوأ خطأ ان حساب الإعلانات يقف بسبب واحد له سجل سيء مع Facebook سواء كان الحساب ده يخصهم او لا.
لازم تكون متشدد جدا و صارم في مين اللي هايمسك الصفحة معاك و خبرته اد ايه و خلفيته ايه عن سياسات الإعلانات و هو بيعمل منشورات علي صفحته شكلها ايه، لان سمعة الحساب بتاعة مرتبطة بطريقة مباشرة جدا مع حساب الإعلانات، لو Facebook وجد ان في مستخدم جديد سمعته مش كويسة تم اضافته إلي حساب الإعلانات هايعمل علامة عليه و هايتم إعلاق الحساب فورا.
9- أخطاء في الـLanding Page تجنبها.
نوايا غير واضحة:
لازم لما اي عميل او مستخدم يضغط علي الإعلان بتاعك يكون عارف ايه اللي هايحصل بعد كده و ايه اللي ممكن يحصل عليه من الاشتراك، لازم تشرح كل حاجة اليمستخدم هايلاقيها لو ضغط علي الإعلان بتاعكم حدد نوع المعلومات المعروضة، الصيغة اللي متوفره المعلومات بيها سواء ملف PDF او اشتراك في البريد الالكتروني او فيديو. خليك صريح قد الامكان علشان ماتبقاش معرفو انك مصدر مضلل للمعلومات.
معلومات ناقصة او مش واضحة عن المنتج او الشركة.
لازم تكون صفحتك تحتوي علي :
- اشم الشركة و اللوجو بتاعها
- العنوان بالكامل
- معلومات و بيانات الاتصال
- محتويات زي كيفية الاستخدام او معلومات التسجيل
- اخلاء مسئولية لو أمكن
لو اي من المعلومات دي مش موجودة او ناقصة يجوز للـ Facebook وضع علامة علي الحساب المرتبط بالصفحة علي انه تهديد او احتيال محتمل، و لازم يكون المنتج اللي بتعلن عنه او الخدمة مرتبط بالمنتجات اللي علي الصفحة مش بعيد عنها، و كمان العنوان الرئيسي للاعلان.
10- عدم الاهتمام بالملائمة او التجربة العامة للمستخدم.
في اختلاف حول اذا كان المناسب ان الاعلان يرسل المستخدمين لصفحة معينة (لينك) او ما بين ان المحتوي يكون في نفس الإعلان، و ما هي اكتر حاجة مناسبة للمستخدمين بتوعي ، و ده اللي بيحدده جمهورك من خلال تاريخهم معاك و تفاعلهم، و اللي من خلاله هاتقدر تعرف المستخدمين و العملاء بتوعك بيفضلوا اي نوع.
و لكن لازم في الاول و الآخر يكون محتواك غير مضلل و واضح و شفاف و رسالتك واضحة و محتوي الإعلان واضح و الجمهور بتاعك عارف هو هايحصل علي ايه من خلال الضغط علي الإعلان او من خلال قرائته. و من خلال تجاربك السابقة انت اللي هاتحدد اي نوع إعلانات مناسب لجمهورك سواء صور او فيديو او نشرات توضيحية او مقالات .
ازاي تحافظ علي حساب إعلاناتك صح؟
اغلبنا عنده الذكاء الكافي لاستخدام Facebook و لكن نظرا لوجود اشكال كتير و تداعيات بتحصل كل يوم و التغيريات اللي بتحصل في سياسات الاستخدام ممكن ما نعرفش المشاكل اللي ممكن تحصلنا بسببها.
ممكن يكون خسارتك لحساب إعلاناتك شيء كارثي و خصوصا لو صرفت عليه مجهود و فلوس كتير، و علشان كده لو انت مش متابع اللي بيحصل يوميا من تغيير في وسائل التواصل الإجتماعي ننصحك بأنك تشوف شركة محترمة معروفة تمسكلك حسابات الإعلانات و تشتغل بناءا علي طلباتك و احتياجاتك.
خليك فاكر ان نادرا لما Facebook بيعيد تشغيل حساب من تاني، فبدل من المخاطرة بفلوسك اللي تعبت فيها استعين بمصادر خارجية زي الماركتير (اتصل بنا) و احنا هاندير اعلاناتك و نحافظ علي مستوي التفاعل و التحديثات المستمرة و الاهم من ده ، حساباتك هاتفضل فعاله و شغاله.
إرسال تعليق