يعني ايه Niche Market
اكيد كلنا سمعنا حد بيتكم و بيقول "النيش ماركت" او "النيتش ماركت" و ماكناش عارفين يعني ايه و هو يقصد ايه، و هنا احنا هانتكلم باختصار عن المصطلح ده .
كلمة "Niche" هي في الأصل كلمة فرنسية و تنطق "نيش" و معناها "الموضع اللائق" و هي اللي جاي منها كلمة "النيش" اللي بنحط فيه طقم الصيني في البيت :) ،و تنطق بالانجليزية "نيتش" و بردو تقريبا نفس المعني او ممكن تكون بمعني تخصيص .
معني "نيش" او نيتش" في علم التسويق
هو سوق المنتجات المخصصة التي يكون لها عملاء محدودين جدا و حجمهم صغير.
مش لازم يكون المنتج غالي زي مثلا ساعات الروليكس او عربيات الفيراري ، و لكن المقصود هنا هو ان المنتج بيخدم عدد محدد جدا من العملاء و عددهم صغير و بالتالي محتاجين مجهود خاص علشان تعرف تلاقيهم و تقدملهم الإعلان او الدعاية المناسبة و موهة ليهم هما بس، و اللي بنسميها ردو استراتيجية التركيز او Focus Strategy.
يعني مثلا مش هاتلاقي إعلان لعربية لمبرجيني في جريدة اليوم السابع . او إعلان لساعة روليكس في جريدة المصري اليوم، او معدات غطس في التليفزيون، لا انا ممكن اروح بالفلوس دي اعمل حملة دعاية في دهب و شرم الشيخ لمعدات الغطس دي للناس فعلا اللي محتاجة المنتج ده.
انت كمان تقدر تخلق ال"نيش" بتاعك من خلال انك تدور علي احتياجات معينة لفئة من العملاء تكون مش متوفرة بشكل يشبع رغابتهم بشكل كامل و تعمل انت منتج او خدمة يشبع الرفبات دي بشكل كامل و تركز كل حهودك علي الجمهور ده و تبعد عن المنافسة/ و دي قريبة جدا من فركة المحيط الازرق اللي اتكلمنا فيها قبل كده (استراتيجية Blue Ocean vs Red Ocean) .
الموضوع في الوقت الحالي بقي سهل مع تطور التكنولوجيا و وسائل الاستهداف و انك تقدر تعمل Precise Targeting و توصل لل"نيش" بتاعتك او المستهدفة . و هو ده أساس فكرة Segmentation , Targeting & Positioning، و لكن احنا بنتكلم عن فتح اسواق جديدة باستمرار و تحاول تستفيد من التكنولوجي باستمرار علي اد ما تقدر ، و ال"نيش" بتاعك ممكن يكبر و يبقي سوق كبير و تبقي من الأكابر.
مثال قبل ما نختم :
ممكن مثلا حد يستغل فكرة انتشار موضوع الأشخاص النباتيين (Plant Based Diet) ، و يعمل مطعم بيقدم الأكل النباتي بس ، او حتي ممكن يعمل فيديوهات طبخ للنباتيين .
من الآخر انت عارف مجالك و عارف ايه اللي ممكن ناقص العملاء بتوعك و مش بيشبع رغباتهم بشكل كامل ، دور عليه و استهدف العملاء دي و اخلق ال"نيش" بتاعك.
إرسال تعليق